【恩愛夫妻】潘芳芳年近40方遇真命天子　暖男丈夫牽愛妻編織幸福人生

有「不老女神」之稱的56歲藝人潘芳芳，2005年與守護身邊近20載的導演陳冠豪（Francis）結婚，2006年芳芳以43歲高齡誕下兒子（Queston）。受到潘芳芳和陳冠豪的藝術熏陶，現年13歲的Queston已有10年演出經驗，一家三口更在8月份的兒童音樂劇《保蛋任務CEO》中各施其職。

有情人終成眷屬

芳芳與Francis於2005年結婚，但原來二人的緣分要由1986年說起，Francis更形容自己對芳芳是一見鍾情：「嗰時喺電視台工作，我嗰時望到佢（芳芳）已經喺一見終情，嗰種感覺喺未曾試過， 之後見其他靚女都無嘅。」

▲ Francis對芳芳一見鍾情。（陳國峰 攝）

後來多次的工作接觸，令Francis有感是緣分令彼此相見，每次重遇，Francis對芳芳的感覺未曾退減，猶如初見，Francis告訴自己：「我鍾意呢個女仔喎，佢喺咩人呢？那時雙方都單身，變咗機會同緣分都喺度，點解唔去做應有嘅嘢呢？你想又諗咗咁耐，機會到時梗喺去做啦。」

自認是「怪人」的芳芳，年輕時對於男女感情築起一道高牆，當感受到對方對自己有好感時，會主動關上發展可能的門，抱著「做朋友啦」的心態。直到差不多40歲時，才知道Francis一直對自己有好感：「人生行到40歲先覺得個人其實都隨緣，而時機又啱，不如開咗道門，大家一齊傾下計咁啦。」

多年的守候令Francis終於抱得美人歸，Francis坦言：「可能我都喺怪人，咁兩個怪人一齊會舒服啲。」在旁的Queston忍不住表示：「兩個怪人，咁我咪都怪囉！」

若你喜歡怪人，其實我很美。「怪」，可能便是夫妻維繫感情秘訣。

亦師亦友亦親人

近年致力兒童語文工作的芳芳成立「芳芳劇藝」，今年更與Francis聯手打造兒童音樂劇《保蛋任務CEO》，Queston更有份參與演出，一家三口齊心協力Good Show。

有人覺得，夫妻在同一個職場容易產生磨擦，影響感情，今次一同籌備兒童劇，芳芳卻有不同體會，例如身份上的轉換：「因為工作崗位上嘅唔同，例如我做演員時，佢（Francis）喺導演有要求時會話比我聽。我作為監製同編劇，導演又要睇返我資源上有咩安排。」

▲ 芳芳直言和Francis已過拗撬階段。（陳國峰 攝）

Francis俏皮地暗示：「我聽囉。」芳芳續指：「有樣嘢最好，由於我哋資源唔多，因為大家一齊住，同埋一齊去做嗰件事，變咗排完戲返去、睡醒呢啲時間都可以討論返嗰製作。我地好少用拗撬嘅方式，都喺理解返對方點諗，因為我哋都大人啦，唔喺小朋友。」

Francis表示認同：「就算喺拗撬我覺得OK嘅，因為兩方都知道為咩而嘈，唔喺針對個人。」其實，最適合芳芳的導演一直在身邊。

劇場無父子

年紀小小的Queston已經有十年的舞台經驗，問到Francis作為導演，會不會對兒子特別嚴格時，未待Francis回答，Queston已經不斷點頭。

▲ Francis與芳芳婚後一年誕生下兒子。（曾有為 攝）

Francis立即導演上身，語重心長地解釋：「可能因為我覺得佢經驗較多，咁喺咪應該要叻啲呢？唔喺因為你係我個仔。我知你識做某樣嘢先會叫你去做，而你識做點解會做得唔好呢？係無心機做，一係無練習。如果唔想去做要出聲，我明白嘅，但如果你想去做，就應該用心去做。」

Queston亦相當識趣：「我覺得應該嘅，因為導演就喺會嚴格。」

▲ 三人都充滿藝術細胞。（陳國峰 攝）

跳脫父與子的身份角色，以導演和演員的身份相處，也是Francis和Queston彼此間的專屬的回憶。

場地：The AIR (The ONE)